Nýjustu fréttir

Sala á kjötfarsi hefur verið margföld á bolludegi miðað við aðra daga ársins og á því er engin breyting að þessu sinni, að sögn Eggerts H. Sigmundssonar vinnslustjóra Norðlenska.  Fyrir helgi unnu starfsmenn Norðlenska við afgreiðslu á farsi sem sent var til Reykjavíkur og fjölda annarra staða út um land. Eggert segir það magn af kjötfarsi sem fyrirtækið framleiðir ætti að duga í rúmlega eitt hundrað þúsund bollur!

Sprengidagur er á þriðjudaginn kemur og víst að margir eru farnir að hlakka til saltkjötsveislunnar. Í nógu hefur verið að snúast hjá starfsmönnum Norðlenska við undirbúning.

Norðlenska tekur þessa vikuna þátt í góðverkadögum sem haldnir eru annað árið í röð.
Góðverkadagarnir eru ný útfærsla á nær aldagamalli hefð og loforði skáta um að gera að minnsta kosti eitt góðverk á dag.  Markmið góðverkadaganna er að hvetja landsmenn til athafna og umhugsunar um að láta gott sér leiða, sýna vináttu, hjálpsemi og gera góðverk.
Starfsfólk Norðlenska lætur ekki svona tækifæri framhjá sér fara.  Öll þekkjum við það af eigin raun að með því að sýna samstarfsfólki og viðskiptavinum, vináttu, hjálpsemi og gera góðverk, er meira gaman í vinnunni.