Nýjustu fréttir

Norðlenska tekur þessa vikuna þátt í góðverkadögum sem haldnir eru annað árið í röð.
Góðverkadagarnir eru ný útfærsla á nær aldagamalli hefð og loforði skáta um að gera að minnsta kosti eitt góðverk á dag.  Markmið góðverkadaganna er að hvetja landsmenn til athafna og umhugsunar um að láta gott sér leiða, sýna vináttu, hjálpsemi og gera góðverk.
Starfsfólk Norðlenska lætur ekki svona tækifæri framhjá sér fara.  Öll þekkjum við það af eigin raun að með því að sýna samstarfsfólki og viðskiptavinum, vináttu, hjálpsemi og gera góðverk, er meira gaman í vinnunni.

Norðlenska hækkaði verð til bænda fyrir nautgripi frá og með deginum í dag. Lista yfir nýtt verð má sjá undir liðnum Bændur hér á heimasíðunni.

Magnús Þorvaldsson hjá VÍS á Húsavík kom færandi hendi á dögunum og færði starfsmönnum Norðlenska í bænum endurskinsvesti að gjöf. Þau koma í sérlega góðar þarfir því margir hjóla eða ganga í vinnuna og verða því vel sýnilegir.