Nýjustu fréttir

Árið 2010 var Norðlenska nokkuð hagfellt. Ársvelta félagsins var 4.120 milljónir króna og jókst um 11% á milli ára. Hagnaður ársins var 171 milljón króna og eigið fé er orðið jákvætt um 95 milljónir króna en var neikvætt í byrjun ársins. Skuldastaða félagsins hefur batnað verulega og hafa vaxtaberandi skuldir lækkað um 687 milljónir króna á milli ára sem gerir fyrirtækið mun rekstrarhæfara en áður. Þetta kom fram á aðalfundi félagsins í dag.

Um 200 manns, aðallega börn en einnig nokkrir fullorðnir, komu í heimsókn til Norðlenska á Húsavík í dag, og tóku lagið í tilefni öskudagsins. Allir fengu frábæra Goðapylsu og Svala að launum. Fjöldi mynda má sjá undir tenglinum Myndasíða á forsíðu vefsins.

Glatt var á hjalla hjá Norðlenska á Akureyri í morgun þegar öskudagsliðin streymdu inn, sungu fyrir starfsmenn og þáðu hressingu að launum, Goðapylsu með tilheyrandi meðlæti og drykk.