Nýjustu fréttir

Norðlenska hefur tekið ákvörðun um að hækka verð á nautgripakjöti frá og með miðvikudeginum 15.júní. Ný verðskrá mun birtast hér á heimasíðunni undir bændur, afurðaverð eigi síðar en á miðvikudaginn. Norðlenska vill nota tækifærið og hvetja bændur til að skrá sláturgripi í síma 460-8855.

Í gær 19. maí luku þeir Elmar Sveinsson og Sigmundur A. Jósteinsson námi sínu í kjötiðnaði með sveinsprófstöku frá Hótel og Matvælaskólanum í Kópavogi. Fyrri prófdagur var fyrir skriflegt próf og laganir og seinni prófdagurinn var prófun í kjötskurði, sögun og uppsetningu á kjötborði þar sem nemar áttu að skera til steikur og útbúa rétti úr því hráefni sem skorið var. Báðir nemarnir stóðust prófin með sóma og óskar Norðlenska þeim til hamingju með þennan áfanga. Meistari Elmars var Sævar Hallgrímsson og meistari Sigmundar, Kristján R. Arnarson

Norðlenska tók þátt í sýningunni Norðurland 2005 um liðna helgi og kynnti þar framleiðsluvörur sínar. Margmenni sótti sýninguna og bás Norðlenska var oftar en ekki fjölmennur þar sem gestir fengu að smakka á nokkrum af vörum fyrirtækisins. Á meðan sýningunni stóð gafst gestum kostur á að giska á fjölda pylsupakka í Goða kælikistunni.