Nýjustu fréttir

Í dag kom 30 manna hópur frá Hollandi í heimsókn í höfuðstöðvar Norðlenska á Akureyri. Hópurinn var á vegum Marel og samanstóð af fólki úr kjöt og sláturhúsageiranum í Hollandi. Megin tilgangur heimsóknarinnar var að skoða úrbeininga- og flæðilínu Norðlenska. Þeim þótti greinilega mikið til koma og höfðu orða á því hvað fyrirtækið stæði framalega á þessu sviði.

Norðlenska hefur hækkað verð á nautgripainnleggi. Verðskráin hefur verið birt hér á vefsíðunni undir bændur, nautakjöt. Á vef Landssambands Kúabænda má sjá að Norðlenska er að greiða hæsta verð fyrir innlegg í 5 gæðaflokkum. Slóðin er http://www.naut.is/default.asp?sid_id=20088&tId=1

Naggarnir frá Norðlenska og leikskólinn Bjarnahús á Húsavík eiga 10 ára afmæli um þessar mundir. Í tilefni afmælisins var haldin myndasamkeppni á leikskólanum þar sem börnunum var falið að teikna mynd af gómsætum Nöggum. Ein af bestu myndunum var valin til prentunar á boli sem öll börn og starfsfólk leikskólans fengu að gjöf frá Norðlenska merktum Bjarnahúsi og Nöggum.