Nýjustu fréttir

Norðlenska tilkynnir það með stolti fyrstir allra kjötvinnsla, að allar vörur undir merkjum fyrirtækisins eru án MSG (einnatríumglútamat, E 621). MSG er töluvert notað sem bragðaukandi efni í matargerð og er þekkt sem óþolsvaldur meðal fólks. Óþolseinkenni vegna mikillar neyslu er m.a. höfuðverkur og þyngsli fyrir brjósti

Norðlenska hefur ákveðið að hækka verð á svínum frá og með mánudeginum 25.apríl. Hækkunin nemur 15 krónum á Grís 1A og munu aðrir flokkar hækka hlutfallslega. Ný verðskrá verður birt hér á vefnum undir bændur, grísakjöt.

Forseti Íslands herra, Ólafur Ragnar Grímsson og forsetafrúin Dorrit Moussaieff komu í heimsókn til Norðlenska í dag ásamt fleiri gestum. Heimsóknin til Norðlenska er liður í opinberri heimsókn forsetahjónanna til Akureyrar. Gestirnir fengu kynningu á starfsemi fyrirtækisins og að bragða á framleiðsluvörum þess sem gerður var góður rómur að meðal gestanna.