Nýjustu fréttir

Norðlenska hefur samið við Norðurorku og Rarik um öll sín orkukaup. Samningarnir eru til tveggja ára. Með þessu vonast fyrirtækið til að ná fram aukinni hagræðingu með sín orkukaup.

Norðlenska ehf. hefur styrkt Hetjurnar, félag aðstandenda langveikra barna á Norðurlandi, um eitt hundrað þúsund krónur og var styrkurinn afhentur í dag. Á nýafstöðnu ESSO-móti KA í knattspyrnu gaf Norðlenska öllum þátttakendum svokallað líknararmband, sem ýmis líknarsamtök hafa verið að selja til ágóða fyrir starfsemi sína, og jafnhliða ákváðu stjórnendur Norðlenska að styrkja Hetjurnar um eitt hundrað þúsund krónur.

Fréttabréf Norðlenska er komið út. Í því eru birtar verðtöflur vegna sauðfjárslátrunar 2005, ber þar hæst að verðskrá fyrir lambakjöt hefur hækkað um 11% frá síðasta ári og útflutningsskylda hefur lækkað úr 36% í 18%. Samkvæmt útreikningum Landssamtaka sauðfjárbænda þýðir það u.þ.b. 21% heildarhækkun á skilaverði til bænda.