Nýjustu fréttir

Reynir Eiríksson, framleiðslustjóri Norðlenska var með fyrirlestur í dag á árlegum fundi matvælaeftirlits á Norðurlöndunum sem haldin er þessa dagana í Danmörku. Fyrirlestur Reynis fjallaði um rekjanleika í kjötvinnslum og hvernig Norðlenska hefur innleitt rekjanleika á kjötvörum í framleiðslu fyrirtækisins.

Umsvif Norðlenska hafa aukist umtalsvert síðastliðin tvö ár og er fyrirtækið orðið stærsti sláturleyfishafi landsins, að alifuglum frátöldum, með starfsstöðvar á Akureyri, Húsavík og Höfn á Hornafirði. Á liðnu ári slátraði Norðlenska um 3,820 tonnum, þar af 1.200 tonn grísakjöt, 800 tonn nautgripir og 1.820 tonn sauðfé en einnig voru keypti að um u.þ.b. 500 tonn sauðfé. Rekstur Norðlenska gekk vel á síðastliðnu ári og er mjög í takt við áætlanir. Útlit er fyrir að fyrirtækið verði rekið með hagnaði 2005.

Verðhækkun á nautgripum. Norðlenska hefur hækkað verð á nautgripainnleggi. Verðskráin tekur gildi frá og með deginum í dag, 17. janúar og hefur verið birt hér á vefsíðunni. Slóðin er http://www.nordlenska.is/index.php?opna=verdlistar&val=NAUT&uid=462,470 . Um leið eru bændur hvattir til að skrá sláturgripi í síma 460-8800.