Nýjustu fréttir

Fjöldinn allur af börnum lagði leið sína til Norðlenska í gærmorgun og tóku lagið fyrir starfsmenn fyrirtækisins. Margir skrautlegir búningar sáust m.a.var búningur Silvíu Nótt mjög áberandi meðal stúlknanna. Börnin fóru södd og glöð í burtu eftir að hafa gætt sér á gómsætum Goða pylsum. Á myndasíðunni má finna fleiri myndir sem teknar voru öskudeginum

Undanfarin þrjú ár hefur unglingaráð knattspyrnudeildar Íþróttafélagsins Þórs á Akureyri í samvinnu við Norðlenska staðið fyrir Goðamótunum svokölluðu í knattspyrnu í Boganum síðla vetrar. Mótin hafa notið vaxandi vinsælda ár frá ári og nú er svo komið að fleiri lið óska eftir að taka þátt en unnt er að koma fyrir í Boganum. Til marks um umfang Goðamótanna má geta þess að heildarfjöldi þátttakenda, fararstjóra og þjálfara á þau þrjú Goðamót sem haldin eru á hverjum vetri er um 1.600 og ætla má að í tengslum við mótin komi svipaður fjöldi foreldra og forráðamanna í bæinn. Í það heila má því áætla að á fjórða þúsund manns komi á ári hverju til Akureyrar af öllu landinu í tengslum við Goðamótin og njóta um leið fjölþættrar afþreyingar og þjónustu í bænum.

Á nýliðnu fræðaþingi landbúnaðarins flutti Hr. Ólafur Ragnar Grímsson forseti setningarræðu um framtíð íslensks landbúnaðar. Forsetinn gerir Norðlenska að umtalsefni í ræðunni og segir m.a. að tæknin norður í landi sé að gefa ný tækifæri þar sem að hægt er að merkja hvert einasta kjötstykki með uppruna, þar sem kaupanda jafnt sem neitanda er gert kleift að sjá upplýsingar um gripinn; nöfn jarðarinnar og bóndans sjálfs geta verið skráð á merkimiðann.