Nýjustu fréttir

Haustslátrun er nú komin vel á veg hjá Norðlenska, í það minnsta í sláturhúsi félagsins á Húsavík, en slátrun hófst sem kunnugt er mun síðar á Höfn. Á Húsavík virðist fallþungi dilka ætla að verða ívið meiri en í fyrra og kjötgæði meiri.

Þann 1. október sl. tók gildi samningur sem Norðlenska hefur gert við fyrirtækið InPro um heilsuvernd starfsmanna, heilsueflingu á vinnustað og fjarvistaskráningu. Til að byrja með gildir samningurinn um starfsmenn Norðlenska á Akureyri og í Reykjavík, en frá og með næstu áramótum tekur hann einnig til starfsmanna fyrirtækisins á Húsavík og Höfn.

Haustslátrun Norðlenska á Húsavík og Höfn er í fullum gangi og gengur almennt vel.  Besti dagur sláturtíðarinnar á Húsavík var í gær þegar var lógað rösklega 2000 dilkum á Húsavík og aðeins reyndust vera 1,1% gallar, sem er mjög gott. Almennt virðast kjötgæði vera að aukast - holdfyllingin er meiri og minni fita.