Nýjustu fréttir

Unnar Goða-kjötvörur Norðlenska, að lifrarpylsu undanskilinni, eru nú án allra mjólkuróþolsvaldandi efna. Markvisst hefur verið unnið að því allt síðasta ár að breyta uppskriftum í þessa átt og nú er svo komið að Norðlenska er einungis með á markaðnum Goða-kjötvörur án mjólkuróþolsvaldandi efna.

Nú styttist óðum í sláturtíð og því vill Norðlenska biðja innleggjendur að senda sláturfjárloforð til Norðlenska sem fyrst. Hér á heimasíðunni er að finna eyðublað fyrir sláturfjárloforð undir "Bændur" og er unnt að senda það rafrænt. Þeir sem óska eftir að fá sent sláturfjáreyðublaðið á pappír eru vinsamlegast beðnir að hafa samband við Norðlenska.

"Gæðastjórnun í kjötvinnslu er vissulega töluvert frábrugðin gæðastjórnun í fiskvinnslunni, þó svo að markmiðið sé alltaf það sama; að fylgja öllum gæðastöðlum og framleiða fyrsta flokks vörur," segir Björn Steingrímsson, gæðastjóri Norðlenska, sem hóf störf hjá fyrirtækinu í vor, en áður hafði hann starfað sem gæða- og verkstjóri hjá fiskvinnslufyrirtækinu Festi ehf í Hafnarfirði.