Nýjustu fréttir

Sala á slátrum er gríðarlega góð í Samkaupum við Hrísalund á Akureyri og virðist hún ætla að verða mun meiri í ár en í fyrra. "Það er búið að vera mikið að gera í slátursölunni og á morgun munum við afhenda um 500 slátur. Það er mun meira en við höfum áður séð á einum degi," sagði starfsmaður í Hrísalundi.

 

Sláturtíð er í fullum gangi hjá Norðlenska á Húsavík og er þegar búið að slátra rösklega 30 þúsund dilkum. Kjötgæði eru mikil - meiri en áður - og verkunargallar í lágmarki. Sláturtíðin er þessa dagana að komast í fullan gang á Höfn eftir rólega byrjun.

Nýtt fréttabréf er komið út og hefur verið dreift til bænda. Í fréttabréfinu eru ýmsar gagnlegar upplýsingar fyrir bændur varðandi sláturtíðina - t.d. heimtöku kjöts, slátursölu, niðurröðun sláturfjár o.fl. Einnig eru viðtöl við Árna Magnússon, fjármálastjóra, Jónu Jónsdóttur, starfsmannastjóra og Björn Steingrímsson, gæðastjóra ásamt ýmsu öðru efni.