Nýjustu fréttir

Það þarf ekki að segja þjóðinni að við lifum á viðsjárverðum tímum. Að samfélaginu þrengir svo um munar. Sú vika sem nú er að líða hefur verið þjóðinni þung og erfið og væntanlega eru síður en svo öll kurl komin til grafar. Það hafa átt sér stað hamfarir sem fáir hefðu getað látið sér detta í hug að ættu mögulega eftir að dynja á þjóðinni. En staðreyndirnar blasa við okkur og verða ekki umflúnar.

Það stefnir í mun meiri meðalþunga dilka úr haustslátrun Norðlenska á Húsavík en í fyrra. Eftir að búið var að slátra þar um 46 þúsund dilkum var meðalvigtin 16,09 kg. Léttari dilkarnir skila sér í sláturhús síðustu daga sláturtíðarinnar og því er ljóst að meðalvigtin mun lækka frá því sem hún stendur nú í, en engu að síður verður hún mun meiri en í fyrra þegar hún var 15,21 kg.

Í því mikla umróti sem hefur verið á fjármálamörkuðum síðustu sólarhringa vilja stjórnendur Norðlenska taka eftirfarandi fram:

Áður en kom til þess að skilanefnd á vegum Fjármálaeftirlitsins tók yfir stjórn Landsbankans, sem er viðskiptabanki Norðlenska, hafði fyrirtækið tryggt sér fjármögnun afurðalána til þess að greiða innleggjendum fyrir sínar afurðir. Samkvæmt upplýsingum Landsbankans í morgun stendur þessi fyrirgreiðsla, sem er í íslenskum krónum, og þar með eru greiðslur til innleggjenda tryggðar.