Nýjustu fréttir

Um hádegisbil í dag lauk haustslátrun hjá Norðlenska á Höfn í Hornafirði. Slátrað var tæplega 31.000 fjár. Eftir slátrun sl. miðvikudag var meðalþungi dilka 15,3 kg og væntanlega hafa ekki orðið breytingar á þeirri tölu eftir slátrun í gær og dag.

Haustslátrun sauðfjár lauk hjá Norðlenska á Húsavík sl. föstudag. Sigmundur Hreiðarsson, vinnslustjóri, segir að í það heila hafi sláturtíðin gengið mjög vel - samhentur hópur starfsmanna hafi unnið gott starf, kjötgæði verið mikil og fallþunginn slegið met.

"Það er ekkert sem bendir til annars en að okkar áætlanir standist og við ljúkum hér haustslátrun föstudaginn 24. október. Þetta hefur gengið ljómandi vel og í dag erum við að slátra um 2100 fjár. Eftir daginn í dag verðum við búin að slátra um 67 þúsund fjár," segir Sigmundur Hreiðarsson, vinnslustjóri Norðlenska á Húsavík.