Nýjustu fréttir

Húsavíkurhangikjötið frá Norðlenska fékk flest stig í árlegri bragðkönnun matgæðinga, sem DV stendur fyrir. Bragðgæðin eru metin í stjörnum og hlaut Húsavíkurhangikjötið að meðaltali 3,3 stjörnur. Niðurstöður bragðkönnunarinnar eru birtar í DV í dag.

"Jú, það er rétt að þessi síðasta vika fyrir jól er alltaf sú stærsta hjá okkur á árinu. Reynslan segir okkur að þunginn í sölunni fyrir jólin eru dagarnir 17. - 22. desember," segir Ingvar Már Gíslason, markaðsstjóri Norðlenska.

"Við erum í miðri jólatörninni og þetta gengur bara ljómandi vel. Það sem af er hefur salan verið mjög góð og við gerum ráð fyrir að svo verði til jóla," segir Sigmundur Hreiðarsson, vinnslustjóri Norðlenska á Húsavík.