Nýjustu fréttir

„Það er gríðarleg eftirspurn eftir íslensku kjöti um þessar mundir. Og það verður ekki íslenskara en þetta .... ” sagði Eggert Sigmundsson vinnslustjóri Norðlenska þegar hann leit við hjá Maríu Fríðu Bertudóttur og Jóni Knútssyni á dögunum þar sem þau voru að ganga frá súrmat fyrir Þorrann.

Ákveðið hefur verið að innheimta gjald fyrir flutning stórgripa í sláturhús Norðlenska frá og með næsta mánudegi, 18. janúar. Gjaldið verður 2.500 krónur á hvern grip. Bændum verður að sjálfsögðu velkomið að flytja gripi sjálfir til slátrunar og sleppa þar með við gjaldið.

Bóndadagurinn nálgast og starfsmenn Norðlenska eru því í óða önn að gera súrmatinn kláran. Margir byrja reyndar að borða þetta lostæti áður en Þorrinn gengur formlega í garð og því hefur töluvert þegar verið sent í verslanir. Eggert Sigmundsson vinnslustjóri segir fyrirtækið selja tugi tonna af súrmat að þessu sinni eins og undanfarin ár.