Nýjustu fréttir

Þrír fulltrúar frá Norðlenska taka þátt í fagkeppni kjötiðnaðarmanna á Íslandsmóti iðn- og verkgreina í Vetrargarðinum í Smáralind á morgun og föstudaginn. Okkar menn eru Rúnar Ingi Guðjónsson, Elmar Sveinsson og Rúnar Traustason. Að auki tekur Grétar Þór Björnsson þátt í nemakeppni mótsins.

Norðlenska auglýsir eftir starfsmanni í pökkun, vörumerkingu og afgreiðslu á kvöldvakt í 75-100% starfshlutfall. Viðkomandi þarf að geta hafið störf í síðasta lagi 1. maí nk. Um er að ræða tímabundið starf til 30. september nk. með möguleika á framtíðarráðningu.

Hvað áttu nærri 600 fótboltastrákar úr Breiðabliki, Leikni, Þór, KA, Fylki, Fjölni, Völsungi, Þrótti, Val, Fjarðabyggð, KS, Hetti, Tindastóli, Magna, Hugin, Mývetningi og BÍ 88 sameiginlegt um helgina? Eitt og annað örugglega en stutt svar gæti verið svona: Þeir borðuðu allir Goðapylsu! Og kepptu allir á Goðamóti Þórs fyrir 5. flokk í Boganum á Akureyri.