Nýjustu fréttir

Halldór Sigurðsson bóndi á Syðri Sandhólum á Tjörnesi er réttarstjóri Norðlenska á Húsavík og hefur verið lengi. „Ég sé um öll samskipti við bændur varðandi slátrun og þess háttar, og redda hinu og þessu - ég er svona altmulig mand,“ segir Halldór sem hefur komið að störfum við sláturhúsið á Húsavík í tæp 40 ár en gegnt embætti réttarstjóra hátt á annan áratug.

„Þetta er áttunda árið í röð sem ég kem hingað í sláturtíðinni. Ég hef verið í um það bil tvo mánuði í hvert skipti og hlakka alltaf jafn mikið til að koma; hér eru sko aldrei nein vandamál - það er gott að vinna hjá fyrirtækinu og samstarfsmennirnir eru frábærir,“ segir Englendingurinn Christhopher Kane, sem orðinn er hagvanur  hjá Norðlenska á Húsavík.

Lambakjöt frá Norðlenska verður fljótlega boðið til sölu á neytendamarkaði í London, bæði frosin læri og hryggir. Um er að ræða hinn víðfræga Smithfield markað, sem starfræktur hefur verið í hundruð ára.