Nýjustu fréttir

Norðlenska hefur aldrei slátrað gripum frá bændum á því svæði þar sem díoxínmengun hefur mælst. Að gefnu tilefni er rétt að vekja athygli á því. Með frétt Ríkissjónvarpsins í gærkvöldi um að kjöt frá bændum í Skutulsfirði, sem grunur leikur á að hafi verið díoxínmengað, hafi verið sett á markað hér á landi, var sýnt myndskeið úr sláturhúsi Norðlenska á Húsavík. Þótt það hafi ekki verið tekið fram hvaðan myndirnar voru er rétt að vekja athygli á þessu.

Fyrsta Goðamót ársins stendur nú yfir í Boganum á Akureyri.  Þetta er í 26. sinn sem Íþróttafélagið Þór stendur fyrir Goðamóti, þau eru alls 4 á hverju ári. Það eru stúlkur í 4. flokki sem etja kappi nú um helgina. 

Aðeins er rúm vika í bóndadaginn og ljóst að landsmenn hyggjast sem aldrei fyrr njóta þess þjóðlega matar sem kenndur er við þorrann, ef marka má eftirspurnina. Norðlenska selur tugi tonna af þorramat að þessu sinni, heldur meira en í fyrra og er aukningin mest í súrum pungum, að sögn Eggerts Sigmundssonar, vinnslustjóra Norðlenska á Akureyri.