Nýjustu fréttir

Matreiðslumeistarinn Friðrik V. Karlsson - Friðrik fimmti - skrifar reglulega pistla um mat í Sunnudagsmoggann. Um síðustu helgi nefndi hann m.a. meintan kjötskort í sumar. Umræðan þótti honum skrýtin, enda hafi hann aldrei lent í vandræðum með að fá það hráefni sem hann vantaði.

Margir erlendir starfsmenn koma ár eftir ár til vinnu hjá Norðlenska í sláturtíðinni. Sjónvarpsmenn frá RÚV litu á dögunum við á Húsavík og ræddu við bresku farandverkamennina Darren Patton og Chris Kane, og Sigmund Hreiðarsson stöðvarstjóra Norðlenska. „Dásamlegur lífsstíll,“ segir Kane sem er nokkra mánuði í senn að heiman í vinnu, annars vegar á Íslandi og hins vegar á Nýja-Sjálandi, og dvelur síðan nokkra mánuði heima hjá fjölskyldu sinni í Taílandi.

Frétt RÚV

„Það gekk ótrúlega vel þessa fyrstu viku. Á miðvikudaginn slátruðum við 2253 lömbum, meira en nokkru sinni áður á einum degi, en það met var svo slegið í gær, föstudag, þegar slátrað var 2274,“ segir Sigmundur Hreiðarsson stöðvarstjóri Norðlenska á Húsavík.