Nýjustu fréttir

Þegar líður að áramótum er gott að líta yfir farinn veg, staldra við og meta árangurinn. Rekstur Norðlenska er viðunandi  árið 2011. Segja má að samhent lið eigenda, starfsmanna og stjórnamanna hafi náð góðum árangri í rekstri fyrirtækisins við erfið skilyrði. Það er því með nokkurri bjartsýni sem menn fara inn í nýtt rekstrarár, með von um að nú hafi botninum verið náð og hlutirnir séu farnir að snúast til betri vegar.

Í dag var starfsfólki Norðlenska á Akureyri boðið upp á nautakjöt og sætar kartöflur í hádegismat. Með því var borin fram ekta bernaise sósa sem vinnslustjórinn, Eggert H. Sigmundsson, bjó til, en hann var „gestakokkur“ hjá Regínu matráði.

Ýmsir óvissuþættir hafa bein áhrif á rekstur fyrirtækja á Íslandi og ákvarðanir litast af þeim. Það hefur samt verið markmið okkar, stjórnenda Norðlenska, að standa við bakið á okkar starfsfólki og halda ótrauð áfram þeirri stefnu að leggja áherslu á gæða framleiðslu og líta á samfélagslega ábyrgð okkar sem hluta af rekstrarmarkmiðum, enda stórt og öflugt fyrirtæki með margt gott fólk í vinnu. Ég vil þakka öllum starfsmönnum félagsins, bændum, eigendum þess, sem og stjórn fyrir gott samstarf og góðan árangur því ljóst er að þetta samhenta lið hefur náð árangri. Einnig vil ég þakka viðskiptavinum okkar og neytendum fyrir að velja okkar vörur og veita okkur aðhald. Ég óska öllum gleðilegra jóla, góðs og farsæls komandi árs.

Sigmundur E. Ófeigsson, framkvæmdastjóri Norðlenska.