Nýjustu fréttir

Norðlenska ákvað á dögunum að gefa félögum í Búsæld vinnugalla. Svala Stefánsdóttir á skrifstofu Norðlenska á Akureyri sendi bændum póst þar sem hún bauð þeim gallana; Svala, sem er hagmælt eins og margir vita, sendi þeim erindið að sjálfsögðu í bundnu máli, og hefur nú fengið nokkur svör með sama hætti. Þetta er sannarlega skemmtilegt krydd í tilveruna.

Framleiðsla og sala á þorramat gengur vel og salan stefnir í að vera á svipuðu róli og í fyrra, að sögn Eggerts Sigmundssonar vinnslustjóra Norðlenska á Akureyri. Á síðasta ári var metsala í súrmeti þannig að ljóst er að landinn hrífst sem fyrr af þorrakræsingunum.