Nýjustu fréttir

Norðlenska hefur gert betrumbætur á bændavef sínum á þann hátt að nú er hægt að fylla út heimtökublað fyrir sögun á lambakjöti og kindakjöti á heimasíðu fyrirtækisins. Boðið er uppá þetta á sama stað og eyðublöð eru á bændavefnum og heimtökublaðið lítur eins út og áður.

Norðlenska hefur ákveðið að greitt verði fyrir sauðfjárafurðir á föstudegi í vikunni eftir slátrun, þar með talinn virðisaukaskattur. Það er breyting frá fyrri árum að greiða hann strax.

Sláturtíð hófst af fullum krafti í gær hjá Norðlenska á Húsavík. Fé kemur óvenju vænt af fjalli að þessu sinni, að sögn Sigmundar Hreiðarssonar, vinnslustjóra. Bóndi sem vigtaði féð heima áður en hann fór með það að í sláturhús hélt jafnvel að vigtin væri biluð því hann hafði aldrei séð aðrar eins tölur í byrjun sláturtíðar! Meðalvigt lamba í gær var 17,5 kg en rúmlega 19 kg hjá einum bóndanum.