Nýjustu fréttir

Lið Akraness var með það alveg á hreinu um hvað var spurt í Útsvarinu á föstudagskvöldið þegar lambatittlingana frá Norðlenska bar á góma. „Við vissum að spurt yrði um þetta,“  sagði skáldkonan Sigurbjörg Þrastardóttir, einn liðsamanna Akraness. 

Náttúruöflin hafa svo sannarlega sýnt klærnar síðustu tvö ár og gert mörgum bóndanum lífið erfitt. Sauðburður vorið 2011 var bændum á Norðurlandi afar erfiður vegna bleytu og kulda og kom sannarlega niður á afkomu þeirra, og öll vitum við hvað gekk hér á nú í byrjun september, þegar aftakaveður gekk yfir. Eina orðið yfir það er hamfarir, segir Sigmundur Hreiðarsson vinnslustjóri Norðlenska á Húsavík í grein sem hann sendi heimasíðunni.

Einar Karlsson sláturhússtjóri Norðlenska á Höfn er mjög ánægður með hvernig sláturtíðin hefur gengið fram að þessu. „Við byrjuðum 18. september og eftir daginn í dag þykjumst við verða búnir með 16.600 lömb. Það er um það bil helmingur,“ segir Einar í morgun.