Nýjustu fréttir

Stjórn og varastjórn Búsældar, eiganda Norðlenska, skoðaði starfsstöðvar fyrirtækisins á Akureyri og Húsavík í vikulokin og stjórnarfundur var í framhaldinu haldinn á Akureyri í dag. „Okkur líst mjög vel á og erum ánægð með móttökurnar og kynninguna,“ sagði Óskar Gunnarsson í Dæli í Skíðadal, formaður Búsældar í dag.

Framundan eru breytingar á húsnæði mötuneytis Norðlenska á Akureyri og áherslum. Óskað er eftir öflugum einstaklingi sem er tilbúinn til að takast á við skemmtilegt mótunarstarf. Helstu verkefni eru stefnumótun, ábyrgð á innkaupum, eldamennska og framreiðsla. Umsækjendur þurfa að geta hafið störf um miðjan mars.

Gott er að líta um öxl nú í skammdeginu, við birtu jólaljósanna, og fara yfir árið sem er að líða. Þar stendur eðlilega næst manni törnin í aðdraganda jólanna en á starfsfólki fyrirtækisins er mikið álag við að framleiða hátíðamat fyrir landann. Þar ber hæst þjóðlegar vörur svo sem hangikjöt og hamborgarhrygg, en reikna má með að starfsfólk Norðlenska framleiði og selji magn sem nemur tveimur til þremur máltíðum fyrir hvert mannsbarn hérlendis um jólin. Þar að auki er mikið framleitt af annari gæðavöru svo sem léttreyktum lambahrygg, bayonneskinku, salami og allskonar öðru góðgæti sem vinsælt er á jólum.