Nýjustu fréttir

Katrín Dóra Þorsteinsdóttir hefur verið ráðin starfsmannastjóri Norðlenska og mun taka við því starfi í maí n.k. og verður með aðsetur á aðalskrifstofu Norðlenska á Akureyri. Katrín Dóra er fædd árið 1965 á Akureyri. Hún lauk prófi í iðnrekstrarfræði frá Háskólanum á Akureyri árið 1993 og síðan viðskipta- og rekstrarfræði árið 2002 frá Háskólanum á Akureyri. Katrín Dóra hefur veitt Símenntunarstöð Eyjafjarðar forstöðu frá árinu 2000.

Síðastliðinn föstudag komu 130 nemendur úr Háskólanum í Reykjavík og Tækniháskólanum í heimsókn til Norðlenska á Akureyri. Heimsóknin var liður í vísindaferð skólanna til Akureyrar.

Tilgangur heimsóknarinnar hingað til Íslands var að skoða aðbúnað sauðfjárins og það er liður í að fræðast um allan feril framleiðslunnar á lambakjötinu sem við seljum. Við förum milli landa með þessum hætti og kynnum okkur mismunandi framleiðsluaðstæður fyrir sauðfjárafurðir á hverjum stað. Við seljum lambakjöt frá Nýja-Sjálandi, vestursvæðum Bandaríkjanna og Íslandi og þó margt sé líkt í framleiðslunni þá eru líka margir þættir mjög ólíkir. Eitt þeirra atriða sem til dæmis skapar sérstöðu er þessi innivera dýranna hér á Íslandi sem er ólík því sem gerist á Nýja-Sjálandi og í Bandaríkjunum.