Flýtilyklar
Nýjustu fréttir
Tæplega 70 tonn af fersku lambakjöti til Bandaríkjanna í haust
08.11.2006 - Lestrar 136
Á þessu hausti hefur Norðlenska flutt út sem næst 66 tonn af fersku lambakjöti til Bandaríkjanna, þar sem það er selt í verslunum Whole Foods, fyrst og fremst á Washington- og Baltimoresvæðinu á austurströndinni. Ingvar Már Gíslason, sölu- og markaðsstjóri Norðlenska, segir að lambapakkar séu vinsælasta varan, en þeir innihalda læri, hrygg, skanka og framstykki. Kjötið fer allt ferskt í flugi og skipum og því er einungis um að ræða útflutning í september og október, meðan á haustslátrun stendur.
Um 114 þúsund fjár slátrað í haust hjá Norðlenska
03.11.2006 - Lestrar 125
Haustslátrun Norðlenska á Húsavík og Höfn í Hornafirði er nú að mestu lokið. Slátrun er lokið á Húsavík, en gert er ráð fyrir að slátra 4-500 lömbum á Höfn í næstu viku og þar með verður punkturinn settur yfir i-ið þar. Á Húsavík var slátrað 81.769 fjár – þar af 76.146 lömbum og 5.623 fullorðnu. Meðalvigt dilka á Húsavík var 15,28 kg, sem er heldur meiri meðalvigt en á síðustu haustsláturtíð. Verkun á kjötinu hefur aldrei verið betri en á þessu hausti, verkunargallar voru á bilinu 1-3% á dag og fór allt niður í 0,77 % sem verður að teljast mjög gott. Heildarfjöldi sláturfjár á Höfn er nú orðinn 31.800, en ætla má að með slátruninni í næstu viku verði talan sem næst 32.800. Meðalvigt á Höfn losar 15 kg.
Lesa meira
Eggert H. Sigmundsson ráðinn vinnslustjóri Norðlenska á Akureyri
24.10.2006 - Lestrar 168
Eggert H. Sigmundsson hefur verið ráðinn í starf vinnslustjóra Norðlenska á Akureyri. Eggert kom fyrst til starfa hjá Norðlenska sem kjötiðnaðarmaður frá Bautabúrinu árið 2000. Síðan hefur hann numið sjávarútvegsfræði í Háskólanum á Akureyri og undanfarið hefur hann starfað hjá Norðlenska sem verkefnastjóri gæðamála og ýmissa sérverkefna tengda framleiðslumálum fyrirtækisins.
