Nýjustu fréttir

Sumarslátrun dilka verður miðvikudaginn 15. ágúst nk. á Húsavík. Á Höfn er ráðgert að slátra einu sinni í viku frá verslunarmannahelgi.

Júlímánuður var góður sölumánuður hjá Norðlenska og seldist grillkjöt mjög vel. Vinnslustjóri Norðlenska á Húsavík segir að neytendur hafi kunnað vel að meta framleiðsluvörur Norðlenska og þá hafi veðurfar verið einkar hagstætt til glóðarsteikingar, einkum um sunnanvert landið.

Eftirfarandi er verðskrá Norðlenska fyrir haustið 2007. Verðskrá Norðlenska tekur mið af verðskrá Landssamtaka sauðfjárbænda, en nokkrir flokkar eru þó hærri hjá Norðlenska. Norðlenska mun breyta verðskrá sinni ef þörf þykir til þess að greiða sambærilegt verð og aðrir stórir slátuleyfishafar. Fyrir innlegg í forslátrun, sem er í ágúst, er greitt föstudag í viku eftir innlegg. Innlegg í september verður greitt að fullu 10. október. Innlegg í október verður greitt að fullu fimm dögum eftir að sláturtíð lýkur.