Nýjustu fréttir

Norðlenska stefnir að páskaslátrun á tímabilinu 23. mars til 3. apríl nk. Sláturdagar geta þó breyst þegar í ljós kemur hversu umfangsmikil slátrunin verður.

Gamla og góða KEA-kindakæfan er nú aftur fáanleg, eftir töluvert hlé. KEA-kindakæfan var hér á árum áður seld í grænum niðursuðudósum, en er nú fáanleg í nýjum pakkningum. Uppskriftin er hins vegar hin sama og í gamla daga. Ingvar Már Gíslason, markaðsstjóri Norðlenska, segir að þessi gamalgróna vara hafi fengið mjög góðar viðtökur og neytendur kunni greinilega vel að meta að geta endurnýjað kynnin við "gamlan vin".

Þorranum lýkur formlega á konudaginn, 22. febrúar, og strax í vikunni þar á eftir gerum við vel við okkur í mat - á bolludaginn og sprengidaginn - 23. og 24. febrúar. "Það er allt á fullu hjá okkur við að undirbúa sprengidaginn," segir Sigmundur Hreiðarsson, vinnslustjóri á Húsavík.