Nýjustu fréttir

Sigmundur Hreiðarsson, vinnslustjóri á Húsavík, Reynir Eiríksson, framleiðslustjóri, Halldór Sigurðsson, réttarstjóri og Aðalsteinn Jónsson bóndi í Klausturseli hafa í gær og dag verið á yfirreið um Austurland þar sem þeir hitta sauðfjárbændur að máli og fara yfir ýmis hagsmunamál með þeim. Sigmundur segir þessa ferð þeirra fjórmenninga hafa verið afar gagnlega.

 

Alls tóku 39 starfsmenn Norðlenska þátt í átakinu „Hjólað í vinnuna" dagana 6.-26. maí sl. Mynduð voru fjögur lið - tvö á Akureyri og tvö á Húsavík. Hjólaðir/gengnir voru rúmlega 1.550 km, þarf af voru Akureyringar með um 900 km og Húsvíkingar um 650 km. Aftur á móti var fjöldi þátttökudaga fleiri hjá Húsvíkingum eða 261 en 212 hjá Akureyringum. Norðlenska var í 5. sæti í flokknum fyrirtæki með 150-399 starfsmenn. Alls voru 33 fyrirtæki í þessum keppnisflokki.

Á fyrstu mánuðum þessa árs hefur Norðlenska aukið útflutning töluvert. Lágt gengi krónunnar gerir það að verkum að útflutningur er hagstæður um þessar mundir og segir Sigmundur E. Ófeigsson, framkvæmdastjóri Norðlenska, að framlegð af útflutningnum sé vel viðunandi.