Nýjustu fréttir

„Það er alveg ljóst að það er og verður nauðsynlegt að flytja út lambakjöt. Við reiknum með að halda áfram útflutningi á svipuðum nótum til Færeyja, Bretlands og væntanlega einnig Noregs. Að okkar mati er afar mikilvægt að halda okkar stöðu á þessum mörkuðum, auk þess sem við höfum verið að skoða möguleika á útflutningi inn á nýja markaði," segir Sigmundur E. Ófeigsson, framkvæmdastjóri Norðlenska.

 

"Ég hef miklar áhyggjur af stöðu íslensks landbúnaðar, komi til aðildar Íslands að Evrópusambandinu. Ég tel að við séum ekki vel undir það búnir að fara þarna inn. Mér virðist sem þeir sem ráði för í þessu eins og mörgum öðrum málum séu ekki tengdir við það sem er að gerast úti í hinum dreifðu byggðum landsins," segir Sigmundur E. Ófeigsson, framkvæmdastjóri Norðlenska.

 

Nýtt fréttabréf Norðlenska er komið út og hefur því verið dreift til bænda. Í fréttabréfinu er fjallað m.a. um komandi sláturtíð, en forslátrun hefst einmitt í dag, fimmtudaginn 27. ágúst, á Húsavík. Þá er fjallað um útflutningsmál, Sigmundur E. Ófeigsson, framkvæmdastjóri Norðlenska, segir skoðun sína á afleiðingum mögulegrar aðildar Íslands að ESB fyrir íslenskan landbúnað o.fl. Fréttabréfið má sjá hér.