Nýjustu fréttir

Skrifstofur Norðlenska verða lokaðar eftir hádegi þriðjudaginn 22. september vegna jarðarfarar Óskars Erlendssonar. Óskar var kjötiðnaðarmeistari og vann hjá Norðlenska á Akureyri í 40 ár eða frá 17 ára aldri þar til hann lést fyrir aldur fram miðvikudaginn 16. september sl. Hann hafði umsjón með reykhúsi fyrirtækisins síðustu starfsárin sín þar til hann þurfti að hætta störfum í mars sl. vegna veikinda. Óskar vann til fjölmargra verðlauna fyrir vöruþróun og uppskriftir og hans verður sárt saknað af samstarfsfólki. Fjölskyldu Óskars eru sendar innilegar samúðarkveðjur.

Norðlenska hefur breytt verðskrá fyrir innleggjendur sem eru með viðskiptasamninga. Með þessum breytingum nemur hækkun á afurðaverði til bænda með viðskiptasaminga við Norðlenska tæpum 10% frá sl. hausti.

Í ljósi aðstæðna hefur Norðlenska ákveðið að breyta áður útgefinni greiðslutilhögun fyrir sauðfé haustið 2009. Norðlenska mun greiða innlegg að fullu á föstudegi eftir innleggsviku.