Nýjustu fréttir

„Við erum mjög ánægðir með það hve vel landsmenn hafa tekið vörunum frá Norðlenska fyrir jólin. Þrátt fyrir mikla samkeppni á þessum markaði er hlutdeild okkar rótgrónu vöru að aukast - KEA hangikjötið, Húsavíkurhangikjötið og KEA hamborgarhryggurinn skipa greinilega stóran sess í huga landsmanna,” segir Ingvar Gíslason, markaðsstjóri Norðlenska.

„Þetta eru síðustu lærin sem koma úr ofninum fyrir þessi jól - og þau eru mjög eftirsótt,” sagði Sigmundur Hreiðarsson, vinnslustjóri Norðlenska á Húsavík, í morgun þegar hann stillti sér upp með sínu fólki og mynd var tekin af hópnum eftir að síðustu hangikjötslærin voru tekin úr reykofninum.

Norðlenska auglýsti nýlega laust starf verkstjóra í viðhaldsdeild. Um nokkuð sérhæft starf er að ræða þar sem þess var m.a. krafist að umsækjendur væru rafvirkjar og/eða vélvirkjar og hefðu reynslu af viðgerðum og viðhaldi tækja. Alls sóttu 12 manns um starfið.