Nýjustu fréttir

Norðlenska hefur gert smávægilegar breytingar á verðskrá sinni fyrir sauðfjárafurðir sem bændur leggja inn hjá fyrirtækinu í haust. Eftir breytingarnar telja stjórnendur Norðlenska að verðskráin sé fyllilega samkeppnishæf við aðra sláturleyfishafa. Nýju verðskrána má sjá hér.

Í þessari viku flytur Norðlenska út þrjá gáma af lamba- og kindaafurðum. Gaman er að vekja athygli á þessu, í ljósi umræðunnar upp á síðkastið um að einungis „bestu bitarnir“ séu fluttir utan en megninu af því sem nú er á leið út hefði verið fargað fyrir fáeinum árum.

Nýtt lambakjöt frá Norðlenska kemur í verslanir á morgun, þriðjudag. Slátrun hófst í lok síðustu viku, kjöt af því fé var unnið í dag og vinnslu lýkur á morgun. Áfram verður slátrað næstu daga og framboð á nýju lambakjöti verður orðið stöðugt um miðja næstu viku.