Nýjustu fréttir

Hugi Einarsson, vélstjóri hjá Norðlenska á Höfn, hélt á dögunum mikla matarveislu á heimili sínu fyrir þá erlendu starfsmenn sem voru hjá fyrirtækinu á Hornafirði í sláturtíðinni. „Hugmyndin var að leyfa fólkinu að smakka dæmigerðan, íslenskan mat, og ekki spillti fyrir  að hann var allur framleiddur af Norðlenska. Þetta tókst mjög vel og gestirnir voru allir rosalega ánægðir. Við höfðum mjög gaman af því hve allir voru þakklátir,“ segir Hugi.

Sláturtíðinni lauk hjá Norðlenska á Húsavík í gær og við það tækifæri voru fjórir starfsmenn heiðraðir eftir 30 ára starf.

Einn þeirra sem komið hafa ár eftir ár til vinnu hjá Norðlenska í sláturtíðinni, Pakistaninn Masud Sharif - gjarnan kallaður Tarzan - sá um að elda í mötuneyti fyrirtækisins á Húsavík í hádeginu dag. Bauð hann upp á rétt úr lambakjöti og þótti maturinn algjört lostæti.