Nýjustu fréttir

Stjórn Norðlenska hefur ákveðið að greiða bændum 2,20% uppbót á allt innlegg ársins 2011. Uppbótin verður greidd út í næstu viku, alls um 33 milljónir króna án virðisaukaskatts. Þetta á við um allar búgreinar þannig að allir bændur sem leggja inn hjá Norðlenska fá greitt.

Norðlenska hefur lengi átt farsæl viðskipti við Færeyinga og eftir að fárviðri gekk yfir eyjarnar í haust kviknaði sú hugmynd að rétta frændum okkar hjálparhönd með einhverjum hætti. Úr varð að Norðlenska ákvað að færa björgunarfélagi í Færeyjum andvirði um 200.000 króna að gjöf og afhenti Ingvar Már Gíslason, markaðsstjóri Norðlenska, gjöfina í gær.

Hefð er orðin fyrir því að börn komi í Norðlenska á Húsavík á öskudaginn, syngi fyrir starfsfólk og fái pylsu og Svala að launum. Þetta árið komu um 220 börn í heimsókn í fjölbreyttum búningum og tóku lagið, viðstöddum til mikillar ánægju.