Nýjustu fréttir

Norðlenska óskar eftir að ráða kjötiðnaðarnema á samning í kjötvinnslu fyrirtækisins á Akureyri. Reynslutími áður en nemi er tekinn á samning eru þrír mánuðir.

Fundir með bændum sem Búsæld og Norðlenska héldu á dögunum á norður- og austurlandi gengu vel og aðsókn var mjög góð. „Það er gott hljóð í bændum, nema það mætti vera aðeins hlýrra í veðri!“ segir Óskar Gunnarsson í Dæli, formaður Búsældar.

Fyrirtækið Icelandic Byproducts flutti út 164 tonn af vömbum í fyrra og 267 þúsund garnir. Hver görn um 25 metrar að lengd og gerir þetta því 6.675 kílómetra af görnum. Þær næðu 5 sinnum hringveginn á þjóðvegi 1 eða nærri 600 kílómetrum lengra en strandlína  Íslands. Þá  samsvara þær 14 sinnum leiðinni milli Húsavíkur og Reykjavíkur. Bændablaðið greinir frá þessu. Haft er eftir Reyni Eiríkssyni, framleiðslustjóra Norðlenska, að reksturinn hafi gengið vel en megin vinnslan fari fram samhliða sláturtíðinni á haustin.