Nýjustu fréttir

Norðlenska hefur ákveðið að hækka verð á svínum um 40 krónur á Grís 1A frá og með næsta mánudegi. Aðrir flokkar munu hækka hlutfallslega.

Norðlenska matborðið hefur gengið frá uppgjöri við sauðfjárbændur vegna útflutningsgreiðslna. Um er að ræða greiðslur sem að öllu jöfnu hefðu verið greiddar í lok maí og í lok ágúst. Það er sérstakt ánægjuefni fyrir Norðlenska að geta skilað greiðslum til sauðfjárbænda jafn snemma og raun ber vitni. Ein meginástæðan er að sala og markaðssetning á lambakjöti jafnt innan- sem utanlands hefur gengið einstaklega vel.

Síðastliðna viku hafa forsvarsmenn Búsældar ehf, KEA svf og Norðlenska ehf fundað með framleiðendum á innleggjenda svæði Norðlenska. Þrír fundir voru haldnir, á Hótel Valaskjálf á Egilstöðum, í Hlíðarbæ í Eyjafirði og á Narfastöðum í Reykjadal. Boðað var til fundanna til að kynna hluthafasamkomulag í einkahlutafélaginu Búsæld og eins viðskiptasamning kjötframleiðenda og Norðlenska.