Nýjustu fréttir

Anton Gylfi Pálsson sölumaður hjá Norðlenska bjargaði mannslífi á dögunum þegar hann ásamt félögum sínum gekk fram á mann sem fengið hafði hjartastopp. Maðurinn sat hreyfingarlaus í bíl þegar Anton varð var við hann og sá að ekki var allt með felldu.

Sláturtíð er að ljúka bæði hjá Norðlenska á Húsavík og Höfn. Síðustu slátranir í almennri sláturtíð verða fimmtudag á Höfn og föstudag á Húsavík. Á Húsavík eru fyrirhugaðar 3 slátranir fyrri hluta nóvember. Sláturtíð hefur almennt gengið vel á báðum stöðum þó svo að veður hafi sett strik í reikninginn í síðustu viku. Þegar uppi er staðið hefur um 114.000 fjár verið slátrað hjá Norðlenska þetta haustið.

Mjög vel gengur að slátra bæði hjá Norðlenska á Húsavík og Höfn. Á Húsavík er búið að slátra tæplega 73.000 fjár en stefnt er að því að slátra um 91.000 lömbum. Á Höfn er búið að slátra um 15.000 fjár og er stefnt að því að heildarslátrun verði um 25.000 lömb.