Nýjustu fréttir

“Við höfum verið að leggja verulega aukna áherslu á vöruþróun í fyrirtækinu. Ég sinnti þessum þætti í hálfu starfi á móti gæðastjórnuninni, en frá og með áramótum erum við tveir starfsmenn í fullu starfi í vöruþróuninni,” segir Sigurgeir Höskuldsson, vöruþróunarstjóri Norðlenska.

Eins og undanfarin ár efna Búsæld ehf. og Norðlenska ehf. til umræðu- og kynningarfunda með bændum á viðskiptasvæði félaganna. Sjö fundir hafa verið ákveðnir og verða þeir dagana 14. til 21. febrúar nk.
Á fundunum verður m.a. rætt um rekstur og rekstrarhorfur Norðlenska, rekstur Búsældar, breytingar á eignarhaldi Norðlenska og horfur á kjötmarkaði.

“Þetta er mjög skemmtilegt og áhugavert starf. Satt best að segja enn skemmtilegra en ég átti von á,” segir Anna María Jónsdóttir, gæðastjóri Norðlenska, en hún hóf störf hjá fyrirtækinu í desember sl.,en hafði áður unnið við gæðaeftirlit á rannsóknarstofu Vífilfells á Akureyri.
Anna María segir að fyrstu vikurnar og mánuðina sé hún á fullu að setja sig inn í starfið, enda í mörg horn að líta. Hún er með gæðamálin á sinni könnu í öllum starfsstöðvum Norðlenska – á Akureyri, Húsavík og Höfn. Í dag var hún á Húsavík og á morgun, föstudag, liggur leiðin til Hafnar.