Nýjustu fréttir

Síðastliðinn fimmtudag var stofnað hlutafélagið Molta ehf. til undirbúnings byggingar jarðgerðarstöðvar á Eyjafjarðarsvæðinu. Öll sveitarfélög á svæðinu standa að verkefninu, sem og allir stærstu matvælaframleiðendur á svæðinu og fleiri aðilar. Með verkefninu er stigið stórt skref í þá átt að hætta urðun sorps á Glerárdal ofan Akureyrar og koma sorpmálum Eyjafjarðarsvæðisins í heild í nýjan framtíðarfarveg.

Frá og með 1. maí n.k. mun bókhald Norðlenska flytjast frá bókhaldsfyrirtækinu Grófargili til höfuðstöðva Norðlenska á Akureyri.

Í tengslum við þessa breytingu hafa tveir starfsmenn verið ráðnir í bókhaldsdeild fyrirtækisins, Benedikt G. Sveinbjörnsson í starf aðalbókara og Anna Kristín Árnadóttir, núverandi starfsmaður í vöruafgreiðslu á Akureyri, í starf bókara.
Benedikt hefur til fjölda ára starfað við bókhald, að undanförnu hefur hann verið ráðgjafi/sérfræðingur hjá HugAx í upplýsinga- og bókhaldskerfum.

“Það má segja að veðrið sé afgerandi þáttur um hverskonar kjöt landsmenn vilja um páskana. Ef veðrið er sérlega gott og vor í lofti hefst grillvertíðin gjarnan um páskana, en ef veður er frekar slæmt er reynslan sú að hangikjötið selst vel. Við þurfum að búa okkur undir hvorttveggja,” segir Sigmundur Hreiðarsson, vinnslustjóri Norðlenska á Húsavík.