Kjötið frá Norðlenska á O'Learys
Veitingastaðurinn O'Learys í Smáralind mun héðan í frá aðeins bjóða upp á íslenskt kjöt frá matvælafyrirtækinu Norðlenska. O’Learys, sem er hluti af alþjóðlegri keðju veitingastaða um allan heim, er fyrsti staðurinn í keðjunni sem fær leyfi til að bjóða upp á innlent kjöt á matseðli sínum. Elís Árnason, eigandi O'Learys á Íslandi, er mjög ánægður með að geta boðið viðskiptavinum sínum upp á íslenskt kjöt. „Við búum svo vel hérna á Íslandi að hafa aðgang að hágæða kjöti. Við leggjum mikið upp úr því að bjóða upp á gæða hráefni og því fannst okkur mikilvægt að kjötið okkar væri íslenskt gæðakjöt.“ O'Learys er heimsþekkt veitingakeðja og sportbar á yfir 140 stöðum víðs vegar um heiminn.
Á mynd: Daniel Olivecrona frá O’Learys Trademark, Friðrik V frá Norðlenska, Elís Árnason eigandi O'Learys á Íslandi, Arnar Levi yfirkokkur, Heiðar Hallgrímsson rekstrarstjóri.
