Fréttir

Stærsta naut sem Norðlenska hefur slátrað - 553,1 kg

Þyngdarmet var slegið hjá Norðlenska á dögunum þegar holdanaut frá Breiðabóli á Svalbarðsströnd kom til slátrunar á Akureyri. Reyndist dýrið 553,1 kg. Þyngsti grípur sem slátrað hafði verið fram að þessu hjá fyrirtækinu var 526 kg boli frá Hleiðargarði í Eyjafjarðarsveit á síðasta ári.

Gripurinn frá Breiðabóli flokkaðist í gæðaflokk UN1A. Gylfi Halldórsson bóndi á Breiðabóli er ekki óvanur því að koma með þunga gripi til slátrunar. Hann lagði inn sex naut nú í haust og var meðalþungi þeirra 391 kg, en sá sem næstur kom „stóra bola” var 468,7 kg.

Gylfi segist eiginlega ekki geta svarað því hvers vegna gripirnir frá honum eru jafn þungir og raun ber vitni. „Það hjálpar reyndar örugglega til að ég rækta korn og gef þeim. Uppistaðan í fæðunni er hey en ég gef þeim korn einu sinni á dag þar til þremur mánuðum fyrir slátrun, en tvisvar á dag eftir það,“ segir Gylfi. Hann segir kálfum yfirleitt slátrað 27-28 mánaða gömlum en „metbolinn“, sem hafi verið mjög stór allt frá fæðingu, var orðinn 29 mánaða og tveggja vikna.

Til gamans má geta þess að hakkefnið úr gripnum myndi sennilega duga í 3.000  hamborgara!

Meðfylgjandi mynd er af nautsskrokknum og Sigurði Sverrissyni slátrara hjá Norðlenska á Akureyri.


Svæði

Norðlenska ehf

Grímseyjargötu
600 Akureyri

s. 469-4500

kt: 500599-2789

upplysingar@nordlenska.is

Póstlistinn

Skráðu þig á póstlistann hjá okkur og fáðu fréttir sendar á netfangið þitt.

Vörumerki Norðlenska

GoðiKEAHúsavíkur kjötBautabúrið

Goði á facebook