Ný verðskrá fyrir nautgripi
Nú verðskrá fyrir nautgripi tekur gildi mánudaginn 5. október 2020. Hana má nálgast undir flipanum bændur á heimasíðunni eða hér.
Því miður neyðist Norðlenska til að lækka innkaupsverð á nautgripum með nýrri verðskrá. Við gerð hennar var leitast við að hreyfa sem minnst við bestu flokkum nautakjöts í þeirri von að breytingarnar hafi lítil áhrif á þá framleiðendur sem eru að einbeita sér að nautakjösframleiðslu. Staðan á markaði fyrir nautakjöt hefur verið erfið og samkeppni harðnandi. Mikill samdráttur hefur verið í sölu á stóreldhúsamarkaði á árinu og ákveðið offramboð á markaði hefur valdið því að verð á framleiðsluvörum hefur gefið eftir. Breyting á verðskrá er því nauðsynleg svo unnt sé að framleiða vörur á samkeppnishæfu verði við núverandi markaðsaðstæður.
