Fjórir nemar í kjötiðn þreyttu sveinspróf á Akureyri
25.01.2016 - Lestrar 458
Guðmundur Þráinn Kristjánsson, Jónas Þórólfsson, Sigþór Sigurðsson og Rebekka Rún Helgadóttir luku öll sveinsprófi í kjötiðn með sóma á dögunum í kjötvinnslu Norðlenska á Akureyri.
Guðmundur Þráínn, Jónas, Sigþór og Rebekka Rún lögðu stund á bóklegt nám við VMA og útskrifuðust þaðan í desember 2015. Verklegt nám stunduðu þau í kjötvinnslum Norðlenska á Akureyri og Húsavík samhliða bóklegu lotunámi.
Norðlenska hefur nú útskrifað átta kjötiðnaðarnema á síðustu fimm árum.
Sveinsstykkin voru öll hin glæsilegustu og stóðust fjórmenningarnir prófin með sóma. Samstarfsfólk hjá Norðlenska sendir þeim hamingjuóskir með áfangann.
