Dásamlegur hádegismatur
Almennt - fimmtudagur 29.des.11 16:09 - Lestrar 250
Regína matráđur og Eggert gestakokkur.
Í dag var starfsfólki Norðlenska á Akureyri boðið upp á nautakjöt og sætar kartöflur í hádegismat. Með því var borin fram ekta bernaise sósa sem vinnslustjórinn, Eggert H. Sigmundsson, bjó til, en hann var „gestakokkur“ hjá Regínu matráði.
Í sósuna notaði Eggert 5 kg af smjöri og 50 eggjarauður. Tilefnið var að þakka starfsfólki vel unnin störf á árinu 2011, ekki síst í desember þegar mikið álag var á öllum í framleiðslunni við að framleiða jólamatinn á diska landsmanna. Vart þarf að taka fram að maturinn bragðaðist dásamlega!
